ການຜ່າຕັດຂະຫຍາຍຄາງ
Before
After
ຄາງທີ່ສົມສ່ວນສ້າງມິຕິໃຫ້ໃບໜ້າ ຮັບກັບດັງແລະໜ້າຜາກເພີ່ມສະເໜ່ໃຫ້ໃບໜ້າງາມໜ້າເບິ່ງ
ຄາງເປັນບໍລິເວນສຳຄັນທີ່ມີຜົນຕໍ່ຮູບໜ້າ ການມີຄາງທີ່ສົມສ່ວນໄດ້ຮູບປາຍຄາງຍາວມົນ ຮັບກັບອົງສາຂອງປາຍດັງແລະໜ້າຜາກ ຈະເຮັດໃຫ້ໃບໜ້າມີຄວາມສົມສ່ວນ ເພີ່ມມິຕິແລະສະເໜ່ໃຫ້ກັບໃບໜ້າ ໃນທຸກມຸມ ຫຼາຍເທື່ອຈະເຫັນໄດ້ວ່າຄົນທີ່ເສີມດັງມາແລ້ວ ມີດັງທີ່ໂດ່ງ ສະໂລບງາມແລ້ວ ແຕ່ກໍ່ຍັງມີຮູບໜ້າທີ່ບໍ່ລົງໂຕ ສ່ວນໜຶ່ງເປັນເພາະບັນຫາຄາງທີ່ຕັດແລະສັ້ນບໍ່ໄດ້ສັດສ່ວນນັ້ນເອງ ການເສີມຄາງດ້ວຍຊິລິໂຄນເປັນອີກວິທີທີ່ນິຍົມໃນການແກ້ບັນຫາຄາງຕັດ ຕາງສັ້ນ ຄາງຖອຍ ຄາງບ້ຽວ ໃຫ້ກັບມາໄດ້ຮູບ ນອກຈາກຈະເປັນການປັບຮູບໜ້າໃຫ້ງາມຂຶ້ນຢ່າງໂດດເດັ່ນແລ້ວການເສີມຄາງຍັງເປັນການປັບໂຫງວເຮັ້ງໃຫ້ດີຂຶ້ນ
ບັນຫາຄາງ ເຊັ່ນ
1.ຄາງຕັດ
2.ຄາງສັ້ນ
3.ຄາງຖອຍ
4.ຄາງຜິດຮູບຈາກການສີດຊິລິໂຄນເຫລວ
ຄຳຖາມທີ່ມັກຖາມເລື້ອຍໆ
ການເສີມຄາງດ້ວຍຊິລິໂຄນແທ່ງ ຊ່ວຍແກ້ໄຂບັນຫາຄາງສັ້ນ ຄາງນ້ອຍ ຄາງຕັດ ເໝາະສຳຫຼັບຜູ້ທີ່ຕ້ອງການປັບຮູບໜ້າໃຫ້ເບິ່ງນຽນງາມ ມີມິຕິ ແລະໄດ້ສັດສ່ວນຫຼາຍຍິ່ງຂຶ້ນ ການເສີມຄາງມີວິທີການເປີດແຜ 2 ວິທີ ຄື ການເປີດແຜຜ່າຕັດດ້ານໃນປາກ ແລະດ້ານນອກປາກ ຫາກທ່ານເປັນຄົນໜຶ່ງທີ່ສົນໃຈໃນການເສີມຄາງ ແຕ່ຍັງບໍ່ຮູ້ວ່າຈະເລືອກວິທີໃດດີ ມື້ນີ້ເຮົາມີຂໍ້ມູນມາຝາກກັນເພື່ອປະກອບການຕັດສິນໃຈ
- ວິທີເປີດແຜໃນປາກ ຫຼັງຈາກສີດຍາຊາ ແພດຈະເຮັດການເປີດແຜດ້ານໃນຂອງປາກ ລະຫວ່າງຊ່ອງເຫືອກແລະຮິມສົບດ້ານລຸ່ມ ຫຼັງຈາກນັ້ນຈຶ່ງວາງຊິລິໂຄນເຂົ້າໄປໃຫ້ພໍດີກັບຕຳແໜ່ງທີ່ຕ້ອງການ
ຈາກນັ້ນຫຍິບປິດແຜດ້ວຍໄໝລະລາຍ ຂໍ້ດີຂອງການເປີດແຜໃນປາກຄື ບໍ່ເຫັນຮອຍແຜເປັນດ້ານນອກ ແຕ່ກໍ່ມີຂໍ້ຄວນລະວັງໃນ 2 ອາທິດທຳອິດຫຼັງຜ່າຕັດ ເນື່ອງຈາກເປັນການເປີດແຜພາຍໃນປາກ ທ່ານຈຶ່ງຕ້ອງຮັກສາຄວາມສະອາດພາຍໃນຊ່ອງປາກບໍ່ໃຫ້ເກີດການອັກເສບແລະຕິດເຊື້ອ ກິນອາຫານອ່ອນໆ ແລະບ້ວນປາກທຸກໆຄັ້ງຫຼັງກິນອາຫານ
- ວິທີເປີດແຜນອກປາກ ໂດຍແພດຈະເປີດແຜພາຍໃນບໍລິເວນລຸ່ມຄາງປະມານ 2-3 ຊັງຕິແມັດ ໃສ່ຊິລິໂຄນໃນຕຳແໜ່ງທີ່ຕ້ອງການ ຈາກນັ້ນເປັນການຫຍິບປິດແຜ ໃຊ້ເວລາບໍ່ເກີນ 1 ຊົ່ວໂມງ ໃນການຜ່າຕັດສ່ວນຂໍ້ດີຂອງການເປີດແຜນອກຄື ການດູແລຮັກສາຕົວເອງຫຼັງຜ່າຕັດສະດວກກວ່າ
