Q : ມຸມມອງຂອງການເຮັດສັນຍາກຳໃນປັດຈຸບັນ

ໝໍໂບ້ດ : ການເຮັດສັນຍາກຳຄວາມງາມໃນປັດຈຸບັນ ເປັນເລື່ອງໃກ້ຕົວຫຼາຍຂຶ້ນແລະອາຍຸທີ່ເລີ່ມເຮັດສັນຍາກຳກໍ່ນ້ອຍລົງເລື້ອຍໆ ອີກທັງຍັງມີຄລີນິກຄວາມງາມແລະສັນຍາກຳຄວາມງາມ ຫຼາຍຂຶ້ນຕາມມາດ້ວຍ ເຊິ່ງກໍ່ຈະມີຄລີນິກທີ່ມີມາດຕະຖານດີ ແລະຄລີນິກທີ່ບໍ່ໄດ້ມາດຕະຖານ ບໍ່ໄດ້ຮັບອະນຸຍາດເປີດຈາກສາທາລະນະສຸກແຕ່ລະຈັງຫວັດ ເຊິ່ງເປັນສິ່ງທີ່ກໍ່ໃຫ້ເກີດອັນຕະລາຍ ເຖິງອາດຈະບໍ່ເຮັດໃຫ້ເສຍຊີວິດແຕ່ກໍ່ສາມາດເຮັດໃຫ້ເກີດການຜິດຮູບຖາວອນແລະແກ້ໄຂບໍ່ໄດ້ກໍ່ມີ ຖາມວ່າເປັນຫຍັງຈຶ່ງເກີດເຫດການແບບນີ້ໄດ້ເພາະໃນການເຮັດສັນຍາກຳຫຼືເສີມຄວາມງາມບາງທີ່ແພດ    ຈົບໃໝ່ ຫຼືແພດທີ່ບໍ່ມີຄວາມຊ່ຽວຊານ ມາເຮັດໃນສ່ວນນີ້ແລະຄິດລາຄາຖືກ ຈຶ່ງເຮັດໃຫ້ຄົນໄຂ້ຕັດສິນໃຈເນື່ອງຈາກລາຄາຖືກ ບາງຄົນຄິດວ່າຈະຄືກັນກັບຄລີນິກທີ່ມີແພດສະເພາະທາງເຮັດຢູ່ ແຕ່ແທ້ຈິງແລ້ວບໍ່ແມ່ນເລີຍ ການເສີມຄວາມງາມຫຼືສັນຍາກຳຄວາມງາມ ຖ້າເກີດຄວາມຜິດພາດຂຶ້ນແລ້ວ ບາງຄັ້ງການແກ້ລາຄາສູງກວ່າຫຼາຍ ເລືອກເຮັດກັບໝໍສະເພາະທາງຕັ້ງແຕ່ຄັ້ງແລກ ແລະທີ່ນ່າຕົກໃຈ ຄືບາງຄລີນິກຮັບຄົນທີ່ບໍ່ແມ່ນແພດແທ້ຈິງມາເຮັດດ້ວຍຊ້ຳ ບາງຄົນຈົບມັດຖະຍົມປາຍແຕ່ເຄີຍເຮັດວຽກຄລີນິກມາກ່ອນ ແລະມາແອບເຮັດເສີມຄວາມງາມເອງໜັກສຸດຄືຜ່າຕັດເອງດ້ວຍ ມີຄົນເຄຍໄປຖາມໜ່ວຍງານທີ່ກ່ຽວຂ້ອງບາງຈັງຫວັດບອກວ່າພໍຈະຮູ້ເລື່ອງວ່າມີເຫດການນີ້ ແຕ່ບໍ່ມີເຈົ້າທຸກຮ້ອງຮຽນເລີຍບໍ່ສາມາດເຮັດຫຍັງໄດ້ ແບບນີ້ເປັນຕາຢ້ານຫຼາຍ

         ທາງເຮົາບໍ່ໄດ້ໝາຍຄວາມວ່າແພດທົ່ວໄປຫຼືແພດສະເພາະທາງສາຂາອື່ນໆ ຈະບໍ່ສາມາດເຮັດເສີມຄວາມງາມຫຼືຜ່າຕັດຄວາມງາມໄດ້ ຂ້າພະເຈົ້າເອງກໍ່ມີໝູ່ເປັນໝໍທົ່ວໄປແລະໝໍສະເພາະທາງດ້ານອື່ນໆ ຫຼາຍທ່ານທີ່ໄດ້ຮັບການອົບຮົມມາມີຄວາມຮູ້ ມີຄວາມສາມາດແລະຍຶດຜົນປະໂຫຍດຂອງຄົນໄຂ້ເປັນຫຼັກ 

ແລະເຮັດໃຫ້ຜົນຮັບອອກມາດີ ສວຍງາມ ແລະບໍ່ເກີດບັນຫາກັບຄົນໄຂ້  ປະສົບການສ່ວນຕົວສິ່ງທີ່ນ່າສົນໃຈ ໃນຄົນໄຂ້ອາຍຸນ້ອຍທີ່ຢາກເຮັດຄວາມງາມ ແລ້ວພໍ່ແມ່ບໍ່ໄດ້ຫ້າມໃຫ້ເຮັດ ພໍ່ແມ່ຈຶ່ງເລືອກຄລີນິກທີ່ໄດ້ມາດຕະຖານແລະໝໍສະເພາະທາງໃຫ້ ແລະພາມາເຮັດດ້ວຍຕົວເອງ